काठमाडौं २४ जेठ । नेपाल सरकारको राष्ट्रिय कार्यक्रम अन्तर्गत नेपाली सेनाको अगुवाइमा जैविक विविधता तथा पर्यावरण संरक्षण गर्ने उद्देश्य अनुरूप सञ्चालित “सफा हिमाल अभियान २०२२” औपचारिक रुपमा सम्पन्न भएको छ ।
विश्वको सर्वोच्च शिखर सगरमाथासहित अन्य तीन हिमालहरू ल्होत्से, कञ्चनजंघा र मनास्लुको सफाई गर्ने उद्देश्यका साथ २०७८ चैत्र २२ गतेबाट २०७९ जेठ २२ गतेसम्म सञ्चालित उक्त अभियानबाट ३३,८७७ केजी फोहोर सङ्कलन गरिएको सेनाले जानकारी दिएको छ ।