काठमाडौं २५ जेठ । नेपाल सरकार, मन्त्रीपरिषद्को २३ गतेको निर्णय अनुसार नेपाली सेनाको उपरथी दर्जामा पदोन्नति हुनु भएका सहायक रथीलाई प्रधान सेनापतिद्वारा दर्ज्यानी चिन्ह प्रदान गरिएको छ । सहायक रथी दिपक कुमार बानियाँ, सहायक रथी होमनाथ दवाडी र सहायक रथी यामप्रसाद ढकाललाई प्रधान सेनापति प्रभुराम शर्माले जंगी अड्डामा आयोजित कार्यक्रमकाबीच उपरथी दर्जाको दर्ज्यानी चिन्ह प्रदान गरेका हुन् ।
यो सँर्गै पदोन्नती हुनु भएका उपरथी दिपक कुमार बानियाँ नेपाली सैनिक वार कलेजका शिक्षाध्यक्ष,उपरथी होमनाथ दवाडी निरीक्षणाधिकृत विभागका विभागीय प्रमुख र उपरथी यामप्रसाद ढकाल युद्ध(मद्दती तथा युद्ध(सेवा मद्दती विभागका विभागीय प्रमुखमा समेत नियुक्त भएका छन् ।
यो सँगै सोही निर्णय बमोजिम सहायक रथी दर्जामा पदोन्नती हुनु भएका २ जना महा सेनानीहरुलाई प्रधान सेनापति शर्माले सहायक रथी दर्जाको दर्ज्यानी चिन्ह प्रदान गर्नु भएको छ ।
