जाजरकोट २७ जेठ । जाजरकोटको जुनिचाँदे– ५ बलेपुइना नजिक जिप दुर्घटना हुँदा २ जनाको मृत्यु भएको छ भने ९ जना घाइते भएका छन् । घाइते मध्ये ४ जनाको अवस्था गम्भीर रहेको र ५ जना सामान्य धाइते भएको प्रहरीले जनाएको छ ।
शुक्रबार विहान ८ वजे जुनिचाँदे ५ गर्खाकोटवाट सुर्खेत आउँदै गरेको जिप वडा कार्यालय नजिकको बलेपुइनामा दुर्घटना भएको थियो । जिप सडकवाट करिव दुई सय मिटर तल खोलामा खसेको जाजरकोट प्रहरीले जनाकारी दिएको छ ।
घटनास्थलमा प्रहरी र स्थानीयबाट उद्धारको कार्य भइरहेको समेत प्रहरीले जनाएको छ ।