काठमाडाैं- सुदूरपश्चिमकी चर्चित टिकटक भाइरल नव गायिका गुराँस ठकुरी र गायक तोयनाथ भट्टको देउडा गीत “लाई पिर्ता अधुरी रैगै” सार्वजनिक भएको छ । निरन्तर मिडिया प्रा.लि.को प्रस्तुतीमा रहेको उक्त देउडा गीत निरन्तर मिडियाको युट्युब च्यानलबाट सार्वजनिक भएको हो ।
उक्त गीतमा तोयानाथ भट्ट र गुराँस ठकुरीले स्वर दिएका छन् भने लय गायक तोयनाथ कै रहेको छ । कुशुम डिजिटल रेकर्डिङ स्टुडियो अत्तरीयामा उक्त गीत रेकर्डिङ गरेको छ भने उक्त गीतलाई शेरबहादुर बोहराले मिक्सिङ गरेका छन् ।
निर्मल भण्डारी र कान्ति अवस्थीको शब्द रहेको उक्त लाई पिर्ता अधुरी रैगै गीतमा निक्कै मार्मिक शब्द समेटिएका छन् । प्रेम अधुरो रहेको, टाढा नजाउ, एकचोटी छुट्टिने बेला हेरिजाउ लगायतका ह्दयस्पर्शी शब्द समावेश गरेका छन् । उक्त गीतलाई दर्शकले मनपराउने गायक गायिकाहरुले विश्वास लिएका छन् ।
गुराँस ठकुरी कञ्चनपुर जिल्ला शुक्लाफाँटा नगरपालिकाकी स्थानीय हुन् । उनी टिकटकमा देउडा गीत, गाउँबेसीमा गाइने गीत, झोडो, फाग, सगुन लगायत गाउँघरमा मेलापातमा गाईने स्थानीय शब्दहरु समेटिएका गीतहरु गाएर उनलाई दर्शकहरुले निक्कै मन पराएका थिए । फरक फरक भाकामा गीत गाउन लगाएर उनको प्रतिभाको उच्च मूल्यांकन गरेका थिए । उनको प्रतिभा देखेर उनलाई चर्चित देउडा गायक तथा हाँस्यकलाकार भानुभक्त जोशीले पनि सांगितिक क्षेत्रमा सहयोग गर्ने प्रतिबद्धता जनाएका थिए । गायक जोशीले निरन्तर मिडियाबाट उत्पादक तथा वितरकमा सहयोग गरेका छन् ।
