काठमाडौँ – काठमाडौँ क्षेत्र नं. ९ बाट प्रतिनिधिसभा सदस्यका स्वतन्त्र उम्मेदवार डा. ज्ञान बस्नेतले ‘माछा’ चुनाव चिन्ह पाएका छन् ।
बुधबार आयोगले निर्वाचन चिन्ह प्रदान गर्ने क्रममा डा. बस्नेतले ‘माछा चुनाव चिन्ह पाएको मुख्य निर्वाचन अधिकृतको कार्यालयले जनाएको छ । चुनावचिन्ह पाएपछि डा. बस्नेतले चुनावी अभियानलाई झन तिव्रता दिने बताएका छन् । उपहारखबरसँग संक्षिप्त प्रतिक्रिया दिदै डा. बस्नेतले भने, ‘अब हाम्रो अमुल्य मत यो राष्ट्र–भुगोल बचाउँने अस्त्र बन्नु पर्छ । संस्कारको राजनितिको सुत्रपात र राष्ट्रिय स्वाधिनताको रक्षा र हरेक खालको अन्याय र अत्याचारको बिरुद्दमा लड्नको लागि, आवाज उठाउँनको लागी काठमाडौं क्षेत्र न. ९ का आम मतदाताहरुलाई ‘माछा’ चुनाव चिन्हमा मतदान गर्न अपिल गर्दछु ।’
आफुलाई हार्ने छुन नभएको डा. बस्नेतको भनाई छ । ‘हाम्रो पुस्तालाई हार्ने छुट छैन, हामी हारेमा हाम्रो सभ्यता हार्छ, अर्को पुस्ता हार्नेछ ।’ डा. बस्नेतले भने, ‘ हजार पटक सोचेर मात्रै मतदान गरौं ।’ देशलाई नयाँ सिराबाट अगाडी बढाउन विज्ञ र अनुभवी व्यक्तिहरुलाई मात्र मतदान गर्न समेत उनले आग्रह गरे ।