रमेश लेखकले भने– ‘उहिले किस्तीमा आउथ्यौँ, अहिले झोलुङ्गे पुल तरेर भोट माग्ने आँए ’

Published on

महेन्द्रनगर – २०७० सालको संविधानसभाको निर्वाचनका बेला दोधारा चादँनी नगरपालिका–८ सुन्दरनगर क्षेत्रमा भोट माग्न जाँदा कांग्रेस नेता रमेश लेखक जोगबुढा नदीमा किस्ती चढेर त्यहाँ पुग्नुभयो ।
चुनावी घरदैलोमा दलबलसहित आसन्न मंसिरमा हुने निर्वाचनका लागि सोमबार पुनः घरदैलोमा पुगेका नेता लेखकले विगतको पीडा त्यहाँ स्थानीयलाई सुनाए ।
“ २०७० सालमा यहाँ भोट माग्ना आउँदा किस्ती चढेर जोगबुढा तरेर आवत जावत गर्दा तपाईहरुले झोलुङ्गे पुल माग गरेको सम्झना छ ।” प्रतिनिधीसभा सदस्यका उम्मेदवार रहनुभएका नेता लेखकले भन्नुभयो–“ मैले त्यही बेला यहाँ झोलुङ्गे पुल बनाउन नसके अर्को पाली भोट माग्न आउदैना भनेको थिए, आज हामी त्यही बनाएको झोलुङ्गे पुल तरेर पुनः भोट माग्न आएका छौं ।”
उहाँले महेन्द्रनगरबाट दोधारा चादँनी आवातजावत गर्न विगतमा महाकाली नदीमा पुल नहुँदा जुनखालको समस्या थियो सोही समस्या सुन्दरनगरबासीलाई दोधारा चादँनीसित जोडिने गाह्रो रहेको स्मरण गराए ।
“ तपाईहरुले झोलुङ्गे पुल भन्नुभएको थिए मैलो बनाए अब आउँदा पाँच बर्ष पछिको निर्वाचनमा यहाँ जोगबुढा नदीमा दुई लेनको पक्की पुल बनाएर मोटर चढेर भोट माग्ने आउनेछु ।” लेखकले भने–“ जोगबुढा नदीमा बनेका पक्की पुल मै मन्त्री हुँदा बेजेट हालेर बनाए तर अहिले एमालेहरु भ्रम छर्दै हामीले बनाएको भन्दैछन् भन्ने सुन्छु ।”
स्थानीय स्तरमा जोगबुढा नदीको कटान नियन्त्रण ठुलो समस्याका रुपमा देखिएको बताउँदै उहाँले भारतसित उत्तर–पश्चिममाको सीमा शुन्य बिन्दुदेखि वडा नं. ३ सम्म तटवन्ध निर्माण आफू मन्त्री हुँदा गरेको बताउनुभयो ।
“ २०७४ मा बेलबहादुर राना जी र म चुनाव हार्दा त्यो तटवन्ध निर्माण पनि त्यही रोकियो ।” उहाँले भन्नुभयो–“ मंसिर ४ को निर्वाचनमा हामी दुवैलाई जिताउनुहोस, कुतियाकवर सम्म नदी नियन्त्रणका लागि बाँध बनाएर बस्ती सुरक्षित गर्ने जिम्मा हाम्रो भयो ।”

ताजा समाचार

मगर भाषा सिकाउँदै क्याम्पस

काठमाडौं । तनहुँको एक क्याम्पसले मगर भाषा सिकाउन थालेको छ । तनहुँको सदरमुकाम दमौलीस्थित आदिकवि...

पाँच सय वर्ष पुरानो खड्कादेवी मन्दिर ओझेलमा

काठमाडौं । गोरखाको सबैभन्दा पुरानो खड्कादेवी मन्दिर पुरातत्त्व विभागले संरक्षण नगर्दा ओझेलमा परेको छ ।...

साढे छ वर्षपछि कर्णालीमा माओवादी प्रतिपक्षमा

काठमाडौं । कर्णाली प्रदेश सभामा नेपाल कम्युनिष्ट पार्टी (माओवादी केन्द्र) प्रतिपक्षमा पुगेको छ ।...

म्याग्दीमा ‘एक निर्वाचन क्षेत्र, एक सडक आयोजना’

काठमाडौं । म्याग्दीमा गण्डकी प्रदेश सरकारमार्फत सञ्चालन भएका आयोजनाबाट आठ किलोमिटर बढी सडक कालोपत्र...