महेन्द्रनगर । नेपाली काङ्ग्रेसका नेता तथा पुर्व मन्त्री रमेश लेखकले पाँच वर्षमा जितेर गएका साथीहरुले केही गर्न नसकेको बताएका छन् । भीमदत्त नगरपालिका ५ मा चुनावी सभालाई सम्बोधन गर्दै नेता लेखकले विगतमा जितेर गएका नेकपा एमालेका साथीहरुले पाँच वर्षमा विकासको नाममा केही गर्न नसकेको बताएका हुन् ।
“२०७४ को निर्वाचनमा मैले हारेको थिए, नेकपा एमालेका साथीहरुले जितेर गएका थिए, सँगै समानुपातिक समेत गरेर कञ्चनपुर क्षेत्र नम्बर ३ ले दुईओटा सासंद पाएको थियो ।, जितेका साथीहरुले विकास गर्छन् भन्ने लागेको थियो तर गएको पाँच वर्षमा विकासको नाममा केही पनि गरेको अवस्था छैन ।” उनले भने, ।
यस्तै उनले मंसिर ४ को निर्वाचनमा आफुहरुलाई जिताउन समेत आग्रह गरेका छन् । विगतमा आफुले सुरु गरेका अपुरा काम पुरा गर्नुपर्ने भन्दै उनले ४ गतेको निर्वाचनमा आफुलाई जिताउन आग्रह गरेका हुन् ।
गएको पाँच वर्षमा केपी शर्मा ओली नेतृत्वको सरकारले संविधान भत्काउने कार्य गरेको भन्दै अहिलेको चुनावी निर्वाचनमा आफुहरु गठबन्धन मार्फत आएको उनको भनाई छ ।
लेखक सत्तारुढ गठबन्धबाट कञ्चनपुर क्षेत्र नम्बर ३ का प्रतिनिधिसभा सदस्यका उम्मेदवार हुन् । चुनाव नजिकिए सँगै कञ्चनपुर क्षेत्र नम्बर ३ मा सत्तारुढ गठबन्धनका साझा उम्मेदवार रमेश लेखकले चुनावी प्रभारप्रचार भने तिव्र पारेका छन् ।