बाँकी जीवन सुशासन र विकासमा समर्पित गर्छु : प्रधानमन्त्री दाहाल

Published on

काठमाडौं । प्रधानमन्त्री पुष्पकमल दाहाल प्रचण्डले तेस्रो पटक प्रधानमन्त्रीको पदभार ग्रहण गरेपछि यो कार्यकालमा सुशासन र विकासमा केन्द्रीत भएर काम गर्ने प्रतिवद्धता जनाउनुभएको छ । प्रधानमन्त्रीमा नियुक्त हुनुभएपछि पहिलो पटक शनिबार गृह जिल्ला चितवन पुगेर उहाँले सो प्रतिवद्धता व्यक्त गर्नुभएको हो ।

भरतपुर १० मा रहेको देशकै पहिलो नमूना विद्यालय नारायणी नमूना माविको हीरक महोत्सव समारोहको उदघाटन गर्नुहुँदै उहाँले आफुले भाषणभन्दा कामलाई प्राथमिकता दिने बताउनुभयो । उहाँले भन्नुभयो, “चितवनका शिक्षा क्षेत्रका महानुभावलाई थाहै छ, मैले मेरो बाँकी जीवन सुुशासन र विकासको लागि समर्पित गर्ने प्रतिवद्धता गरेको छु ।”

आफुले तेस्रो पटक प्रधानमन्त्रीको शपथ खाँदै गर्दा सुशासन कायम गर्नुपर्ने ऐतिहासिक आवश्यकता र जनताले विभिन्न क्षेत्रमा पाइरहेका सास्तीबाट मुक्त गर्नुपर्ने, जनतालाई असर पार्ने कुनै पनि निर्णयमाथि कठोर भएर निर्णय लिने र राष्ट्र र जनता पक्षमा जाने संकल्प लिएको उहाँको भनाइ छ ।

प्रधानमन्त्री प्रचण्डले अर्थतन्त्रमा सुधार, आम नागरिको जनजीवन सहज बनाउने विषयमा आफ्ना क्रियाकलाप केन्द्रीत गर्ने बताउनुभयो । सुशासन र समृद्धिका लागि एकजुट हुन सबै देशवासीलाई आह्वान पनि गर्नुभयो । गोरखापत्र ।

ताजा समाचार

पर्वतको जलजलामा शिक्षा सुधार प्रस्तावको आधारमा प्रधानाध्यापक नियुक्ति

काठमाडौं । पर्वतको जलजला गाउँपालिकाले प्रधानाध्यापक नियुक्तिका लागि विद्यालय सुधार प्रस्तावको आधारमा छनोट गर्ने...

गृहद्वारा अध्यागमनलाई व्यवस्थित र जिम्मेवार बनाउन अधिकार प्रत्यायोजन

काठमाडौं । गृह मन्त्रालयले अध्यागमन प्रशासनलाई थप व्यवस्थित र जिम्मेवार बनाउन अध्यागमन विभागलाई अधिकार...

विश्वमा साइबर अपराधको बिगबिगी

काठमाडौं । हालै इजरायलको राष्ट्रिय साइबर प्रणालीका प्रमुख अर्थशास्त्री श्लोमा सरफातीले एक कार्यक्रममार्फत “व्यक्तिगत...

जिपी कोइराला श्वासप्रश्वास उपचार केन्द्रमा डायलासिस सेन्टर सञ्चालन हुने

काठमाडौं । तनहुँको शुक्लागण्डकी नगरपालिका र यस आसपास क्षेत्रमा रहेका मिर्गौलाका बिरामीलाई डायलासिसका लागि...