नियन्त्रणमा लिइएको बाघलाई शुक्लाफाँटा लगियो

Published on

काठमाडौं । कञ्चनपुरको बेलौरी नगरपालिका –८ पचुईबाट नियन्त्रणमा लिइएको नरभक्षी बाघलाई शुक्लाफाँटा राष्ट्रिय निकुञ्ज पुर्‍याइएको छ। हिजो सोही ठाउँकी गङ्गादेवी चन्दलाई बाघले झम्टेर मारेपछि शुक्लाफाँटा र बर्दिया राष्ट्रिय निकुञ्जबाट खटेको प्राविधिक टोलीले आज बिहान बाघलाई नियन्त्रणमा लिएको थियो। नियन्त्रणमा लिइएको बाघलाई शुक्लाफाँटा राष्ट्रिय निकुञ्जस्थित खोरमा राखिएको निकुञ्जका निमित्त प्रमुख संरक्षण अधिकृत रोशनसिंह ठगुन्नाले जानकारी दिनुभयो। 

उहाँका अनुसार बाघलाई शुक्लाफाँटा राष्ट्रिय निकुञ्ज वा कहाँ छाड्ने भनेर निर्णयका लागि विभागलाई पत्राचार गरिएको छ। त्यहाँबाट निर्णय आएपछिमात्रै छोड्ने ठगुन्नाले बताउनुभयो। नरभक्षी सो बाघ करिब छ वर्षको पोथी रहेको जनाइएको छ। हिजो खप्टीनाला क्षेत्रमा घाँस काट्न गएकी चन्दलाई झम्टेर झाडीमा लगेको थियो। चन्दसँगै घाँस काट्न गएका अरू महिला भने भागेर ज्यान जोगाएका थिए। 

बाघले बिहान महिलालाई झम्टेर बेपत्ता पारेपछि बाघलाई नियन्त्रणमा लिनका लागि हिजो रातिबाट नै प्राविधिक टोली खटेको थियो। ‘हिजो नै नियन्त्रणमा लिने प्रयास गरिए पनि राति परेकाले सम्भव भएन’, निमित्त प्रमुख संरक्षण अधिकृत ठगुन्नाले भन्नुभयो,‘‘हिजो सम्भव नभएपछि आज बिहानै प्राविधिक टोलीले नियन्त्रणमा लिएको हो।’’ बाघले झम्टेर लगेको चन्दको शव आज बिहान फेला परिसकेको कञ्चनपुर प्रहरीले जनाएको छ।

कञ्चनपुरको दक्षिणी क्षेत्रमा चैतदेखि नै बाघको त्रास रहेको थियो। गत चैत १० गते भारतको दुधुवा नेशनल पार्क क्षेत्रमा पुनर्वास नगरपालिका–१० मदन टोलकी कलसा सार्कीको बाघले ज्यान लिएको थियो। त्यसको केही दिन पछिमात्रै कञ्चनपुरको बेलौरी नगरपालिका–१ नजिक रहेको सीमावर्ती भारतीय गाउँ कृष्णनगरकी एक महिलाको पनि बाघले ज्यान लिएको थियो। गाेरखापत्र ।

ताजा समाचार

राष्ट्रपतिको युरोप भ्रमण: जलवायु परिवर्तनमा नेपालको प्राथमिकता केन्द्रमा रहनुपर्ने मुद्दा स्थापित

काठमाडौँ । राष्ट्रपति रामचन्द्र पौडेलको स्वीट्जरल्याण्ड र जर्मनीको भ्रमणले जलवायु परिवर्तनको असर न्यूनीकरणको मुद्दा...

फिल्डिङ र ब्याटिङमा कमजोरी भए : आगामी दिनमा सुधार गर्छौँ स् कप्तान पौडेल

काठमाडौँ ।नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै...

हामी जतिसक्दो महाकाली पुल छिटो सम्पन्न गर्ने पक्षमा छौँ

कञ्चनपुरको भीमदत्त नगरपालिका–१२ ओदाली स्थित महाकाली नदीमा निमार्णाधिन चारलेनको पक्की पुल निमार्णको अन्तिम चरणमा...

एडिबीबाट भुटानलाई चार करोड अमेरिकी डलर ऋण स्वीकृत

काठमाडौँ । एसियाली विकास बैङ्क (एडिबी)ले बिहीबार भुटानलाई सार्वजनिक वित्तीय व्यवस्थापन र हरित विकासलाई...