काठमाडौँ । सुदूरपश्चिम विश्वविद्यालयले आयोजना गर्ने चौंथो दीक्षान्त समारोहका लागि आवेदन खुलेको छ । एक सूचना जारी गर्दै विश्वविद्यालयले दीक्षान्त समारोहमा भाग लिन इच्छुक विद्यार्थीका लागि अनलाइन फाराम खुलाएको हो ।
दीक्षान्त समारोहमा सहभागी हुन स्नातक, स्नातकोत्तर तथा एमफिल तह उत्तीर्ण गरिसकेका विद्यार्थीहरूले अनलाइन फाराम भर्न सक्नेछन् । उनीहरूको ट्रान्सक्रिप्ट १ मङ्सिर २०७९ देखि १५ माघ २०८० सम्म जारी भएको हुनुपर्ने सूचनामा उल्लेख छ।
दीक्षान्त समारोहमा सहभागी हुन भरिने फाराम १७ माघदेखि २ फागुनसम्म उपलब्ध हुने सूचनामा उल्लेख छ । उक्त अवधिभित्र कुनै पनि समयमा विद्यार्थीले फाराम भर्न सक्नेछन् ।
