विद्यार्थीको दन्त परीक्षण तथा उपचार

Published on

काठमाडौं । ताप्लेजुङको मेरिङ्देन गाउँपालिकामा विद्यार्थीहरूको दन्त (दाँत) परीक्षण तथा उपचार गरिएको छ । मेरिङ्देन गाउँपालिकाले आइतबार वडा ६ नाल्बुमा रहेका विद्यार्थीको दन्त परीक्षण तथा उपचार सेवा प्रवाह गरेको हो ।

गाउँपालिकाको विद्यालय स्वास्थ्य तथा पोषण कार्यक्रमअन्तर्गत विद्यार्थीहरूको दन्त परीक्षण साथै उपचार गरिएको हो । वडा ६ नाल्बुमा रहेका विद्यालयमा अध्ययनरत विद्यार्थीको दन्त परीक्षण तथा उपचार गरिएको गाउँपालिकाले जनाएको छ । गाउँपालिकाका अनुसार वडाभरिका विद्यार्थीलाई नाल्बु स्वास्थ्य चौकीमा केन्द्रित गरी दन्त परीक्षण तथा उपचार सेवा प्रवाह गरिएको हो । गाउँपालिका तथा नाल्बु स्वास्थ्य चौकीमा कार्यरत स्वास्थ्यकर्मीले विद्यार्थीको दन्त परीक्षण साथै उपचार सेवा प्रदान गरेका छन् । आइतबार दाँतसम्बन्धी समस्या भएका १४४ जना विद्यार्थीलाई सेवा प्रदान गरिएको मेरिङ्देन गाउँपालिका उप–स्वास्थ्य शाखाले जनाएको छ ।

उप–शाखाका अनुसार ६० जना लाभग्राही (विद्यार्थी) को दाँत निकालिएको छ । यस्तै ३६ जनाको दाँत भरिएको छ भने दाँतसम्बन्धी समस्या भएका १८ जनालाई सुविधा सम्पन्न ठाउँका लागि सिफारिस गरिएको गाउँपालिकाका निमित्त प्रमुख प्रशासकीय अधिकृत रत्नेश्वरप्रसाद साहले जानकारी दिनुभयो । यता विद्यालय स्वास्थ्य तथा पोषण कार्यक्रमलाई सबै वडामा कार्यान्वयन गरिने पनि गाउँपालिकाले जनाएको छ । साबिक नाल्बुसहित, थिङ्लाबु, सान्थाक्रा, खाम्लुङ, लिङ्तेप र थुकिमासमेत छ गाविस समेटिएको मेरिङ्देन गाउँपालिकामा हाल छ वटै वडा रहेका छन् ।

ताजा समाचार

क्याप्टेन वेद उप्रेतीको ‘पाइलट प्रेम’ पुस्तक विमोचन

अरुण डगौरा । क्याप्टेन वेद उप्रेतीको नयाँ पुस्तक ‘पाइलट प्रेम’ विमोचन गरिएको छ ।...

प्रेम विवाह गरेका नेहा र सत्येन्द्रको सुरक्षा सरकारले गर्छ : गृहमन्त्री लेखक

काठमाडौँ । गृहमन्त्री रमेश लेखकले प्रेम विवाह गरेका सर्लाहीको बरहथवाका नेहा रौनियार र सत्येन्द्र...

भीम रावलले धनगढीमा जागरण भेलाको आयोजना गर्ने

काठमाडौँ । नेकपा (एमाले)बाट निष्कासित भइसकेपछि मातृभूमि जागरण अभियानमा लाग्नु भएका पूर्व उपप्रधानमन्त्री भीम...

पृथ्वी पत्रकारिता पुरस्कारका लागि अक्षयकोष स्थापना

काठमाडौँ । नेपाल पत्रकार महासङ्घ जिल्ला शाखा बर्दियाले पृथ्वी पत्रकारिता पुरस्कार अक्षयकोष स्थापना गरेको...