धान खेतीमा ‘उन्नत प्रविधि प्रदर्शन’

Published on

काठमाडौं । कृषि ज्ञान केन्द्र झापाले ‘उन्नत प्रविधि प्रदर्शन’ कार्यक्रम अन्तर्गत मेसिनबाट धान रोपाइँ कार्यको सुरुवात गरेको छ । धानको व्याड राख्दादेखि नै आधुनिक प्रविधिको विषयमा किसानहरूलाई जानकारी दिँदै ‘उन्नत प्रविधि प्रदर्शन’ कार्यक्रम भइरहेको कृषि ज्ञान केन्द्र झापाका प्रमुख सागर विष्टले बताउनुभयो ।

शिवसताक्षी नगरपालिकाको कनकाई सिँचाइ आयोजना क्षेत्रमा उन्नत प्रविधि प्रदर्शन कार्यक्रम अन्तर्गत मेसिनबाट धान रोपाइँ कार्यका लागि ट्रे मा बिउ राखेर मेसिनबाट नै धान रोपाइँ सम्पन्न भएको छ । शिवसताक्षी नगरपालिका वडा नं। ४ मा नगर प्रमुख रोशन थोप्रासहितको उपस्थितिमा उन्नत प्रविधि प्रदर्शनसहित धान रोपाइँ सम्पन्न भएको हो । राइस ट्रान्सप्लान्टरबाट धान रोपाइँ गर्दै शिवसताक्षी नगरपालिकाका प्रमुख रोशन थोप्राले प्रविधिको प्रयोग र आधुनिक तवरले धान खेतीका लागि नगरपालिकाले पनि विशेष कार्यक्रम ल्याउने बताउनुभयो । उहाँले उन्नत प्रविधिबाट धान रोप्दा उत्पादन लागत कम भएर किसानलाई धेरै फाइदा पुग्ने देखिएको जनाउँदै यस प्रकारको प्रविधि अवलम्बन गर्न किसानलाई अनुरोध गर्नुभयो । कनकाई सिँचाइ आयोजना क्षेत्रमा जापान सरकारको सहयोगमा कृषि प्रणाली सुधारमा काम भइरहेको जनाउँदै यसका लागि स्थानीय सरकार समन्वय गर्दै अघि बढ्न तयार रहेको जनाउनुभयो । “कनकाइ सिँचाइको नहरलाई फोहोर फ्याल्ने स्थल नबनाएर निरन्तर पानी बग्ने अवस्था ल्याउन हामी लागि परेका छौ,” उहाँले भन्नुभयो ।

गौरादह नगरपालिका–९, गौरीगन्ज गाउँपालिका–१ र कमल गाउँपालिकामा चैते ५ जातको धान उन्नत प्रविधिबाट रोप्ने कृषि ज्ञान केन्द्रको योजना रहेको विष्टले जानकारी दिनुभएको छ । जिल्लाभर करिब ७० बिघा जमिनमा यस किसिमको प्रदर्शनी खेती गरिन सुरु गरेको विष्टले जानकारी दिनुभयो ।

ताजा समाचार

बैतडीका सरकारी कार्यालयबाट ८७ करोड बजेट फिर्ता

काठमाडौं । गत आर्थिक वर्ष २०८०८१ मा यहाँका सरकारी कार्यालयको ८७ करोड बढी रकम...

थालेको काम सक्नु सरकारको मुख्य प्राथमिकता होः प्रधानमन्त्री ओली

काठमाडौं । प्रधानन्त्री केपी शर्मा ओलीले जनतामा भरोसा जगाउने र सुरु गरिएका काम सक्नेकुरा...

उपसभामुख रानालाई पदबाट राजीनामा दिन माग

काठमाडौं । सत्तारुढ नेपाली कांग्रेसका सांसद रामहरि खतिवडाले उपसभामुख इन्दिरा रानालाई पदबाट राजीनामा दिन...

दिवा सेवा केन्द्र ज्येष्ठ नागरिकलाई दौँतरी भेट्ने थलो बन्दै

काठमाडौं । घोराही उपमहानगरपालिका(६ का मनकला अधिकारी ८२ वर्षका पार गर्नुभयो । पन्ध्र वर्षअगाडि...