साना उद्यमीलाई प्रदेश सरकारले साथ दिन्छ : मुख्यमन्त्री कँडेल

Published on

काठमाडौं । कर्णाली प्रदेशका मुख्यमन्त्री यामलाल कँडेलले लघु औद्योगिक ग्रामलाई यस क्षेत्रकै पहिचान बताउनुपर्ने बताउनुभएको छ । उद्योग तथा उपभोक्ता हित संरक्षण निर्देशनालयले औद्योगिक प्रदर्शनी प्रतियोगिताको आयोजना कार्यक्रममा शुक्रबार बोल्नुहुदै उहाँले बाहिरबाट आएर पनि उपहारको रुपमा अनिवार्य लिएर जाने किसिमका उत्पादन गर्ने थलोको रुपमा विकास गर्नुपर्ने बताउनुभएको हो ।

मुख्यमन्त्री कँडेलले कच्चा पदार्थको प्रशस्तै संभावना भएर पनि उपेक्षित रुपमा उत्पादन गर्न नसकेको र उत्पादित वस्तुहरुको बजारिकरणको समस्या रहेकाले त्यसको निराकरणको लागि सरकारले साथ दिने उल्लेख गर्नुभयो । उहाँले कच्चा पदार्थको उपलब्धता, बजार पहुँच सरलीकरण, गुणस्तर प्रमाणीकरण जस्ता विविध पक्षमा स्थानीय उद्यमीले समस्या भोगिरहेकाले त्यसको निराकरण गर्नमा सरकार सदैव प्रतिबद्ध रहेको बताउनुभयो । स्थानीय उत्पादनको संरक्षण, प्रबर्द्धन र रोजगारीसँगै आर्थिक बृद्धि गर्न प्रदेश सरकारले साना उद्यमीहरुलाई साथ दिन उहाँको भनाइ छ । शनिबारसम्म सञ्चालन हुने प्रदर्शनीमा घरेलु औजार, मह, अल्लोबाट उत्पादन गरिएका कपडा, अचार, खाद्यन्न, काष्टकला सामग्री लगायत राखिएको छ । गोरखापत्र

ताजा समाचार

सशस्त्र प्रहरी निरीक्षक पौडेलद्वारा सगरमाथाको सफल आरोहण

काठमाडौं । सशस्त्र प्रहरी बल, नेपालको इतिहासमा पहिलो पटक सङ्गठनको प्रतिनिधित्व गर्नुहुँदै सशस्त्र प्रहरी...

संसद्‌मा कांग्रेसको अवरोध कायमै

काठमाडौं । प्रमुख प्रतिपक्षी दल नेपाली कांग्रेसले सहकारी ठगी प्रकरणको छानबिनका लागि संसदीय समिति...

घर, समाज र टोलका विवाद मिलाउन ‘न्याय चौतारी’

काठमाडौं । स्थानीय विवाद सामुहिक छलफल र मेलमिलापका माध्यमबाट समाधान गर्न काठमाडौँ महानगरपालिकाले ‘न्याय...

सुनको मूल्य घट्यो

काठमाडौं । स्थानीय बजारमा पहेँलो धातुको मूल्य आज तोलामा रु। एक हजार दुई सयले...