टी–२० विश्वकप : तेस्रो अभ्यास खेलमा नेपाल पराजित

Published on

काठमाडौं । आइसिसी टी–२० विश्वकप तयारीका लागि वेस्ट इन्डिजममा रहेको नेपाली क्रिकेट टोली तेस्रो अभ्यास खेलमा विनवार्ड्स भोलक्यानोजसँग पराजित भएको छ ।

शनिबार राति भएको तेस्रो तथा अन्तिम खेलमा नेपाल विनवार्ड्ससँग ६७ रनले पराजित भयो । नेपालले यसअघिको दुई खेल भने जितेको थियो । नेपाल पहिलो खेलमा चार विकेट र दोस्रो खेलमा ४९ रनले विजयी भएको थियो । जितका लाथि विनवार्ड्सले दिएको दुई सय ६ रनको लक्ष्य पछ्याएको नेपाल १७.२ ओभरमा सबै विकेटको क्षतिमा एक सय ३८ रनमा समेटिएको थियो । नेपालका लागि कप्तान रोहितकुमार पौडेलले सर्वाधिक ५३ रन बनाउनुभयो । यस्तै आसिफ शेखले २४, सन्दीप जोराले २१ र करण केसीले १३ रन बनाउनुभयो । बलिङमा विनवार्ड्सका डारेन निड र केभिम होड्जले तीन तीन विकेट लिनुभयो । निक्टस रेडहेड र डिन ब्राउनले दुई दुई विकेट झार्नुभयो । यसअघि टस जितेर पहिले ब्याटिङ गरेको विनवार्ड्सले निर्धारित २० ओभरमा सबै विकेटको क्षतिमा दुई सय पाँच रन बनाएको थियो । विनवार्ड्सका लागि डिलोन डोग्लसले ५६ रन बनाउनुभयो । शादरेक डेसकार्टले ५५ रन बनाउनुभयो ।

बलिङमा नेपालका कमलसिंह ऐरीले चार विकेट लिनुभयो । सोमपाल कामीले तीन तथा करण केसी, सागर ढकाल र कुशल भुर्तेलले एक एक विकेट लिनुभयो । नेपाली टोली विश्वकपका लागि अव अमेरिका जानेछ । अमेरिकाको ह्युस्टनमा मे २२ र २३ तारिख अभ्यास खेल खेलेपछि नेपालले आइसिसीले उपलब्ध गराएको दुई वटा अभ्यास खेल खेल्नेछ । जसअनुसार नेपालले डालासमा क्यानडासँग मे २७ र अमेरिकासँग मे ३० तारिख खेल्नेछ ।

ताजा समाचार

राष्ट्रपति पौडेल बर्लिनमा, भोलि औपचारिक भेटवार्ता

काठमाडौँ । राष्ट्रपति रामचन्द्र पौडेल सङ्घीय गणतन्त्र जर्मनीको औपचारिक भ्रमणका क्रममा जेनेभाबाट बर्लिन पुगेका...

सरकारको निर्णय कुर्दै एयर अस्त्र

काठमाडौं । बङ्गलादेशी एयरलाइन्स कम्पनी एयर अस्त्रले ढाका–पोखरा–ढाका उडानका लागि तीव्र तयारी थालेको छ...

नेपाल र श्रीलङ्काबिचको खेल वर्षाले रद्ध, नेपालको सुपर आठ सम्भावना कायम

काठमाडौं । आइसिसी टी(२० विश्वकप अन्तर्गत नेपाल र श्रीलङ्काबिचको खेल वर्षाका कारण रद्ध भएको...

अवैध रूपमा ढुवानी गर्दै गरेको शालिग्राम नियन्त्रण

काठमाडौं । मुस्ताङबाट अवैध तवरले चोरी निकासी गर्न लागिएको झन्डै तीन हजार चार सय...