मझगाउँ विमास्थल जग्गा प्राप्तिका लागि रमेश लेखक सक्रिय

Published on

महेन्द्रनगर ९ जेठ । कञ्चनपुरको महेन्द्रनगरस्थित पुर्ननिर्माण भइरहेको मझगाउँ विमानस्थल स्तरोन्नतीका लागि रक्षामन्त्री हरि उप्रेती र नेपाली कांग्रेसका प्रमुख सचेतक रमेश लेखकसहितको टोलीबिच बुधबार काडमाण्डौमा छलफल भएको छ ।
निर्माणाधीन मझगाउँ विमानस्थलका लागि दक्षिणतर्फ रहेको नेपाली सेनाको केही भाग जग्गा आवश्यक पर्ने भएकाले सोका लागि सहजीकरण गरिदिन प्रमुख सचेतक लेखकले मन्त्री उप्रेतीलाई ज्ञापन बुझाएका हुन ।
कञ्चनपुर निर्वाचन क्षेत्र नं. ३ बाट निर्वाचित सांसद समेत रहनुभएका लेखकको टोलीमा जिल्ला समन्वय समिति कञ्चनपुरका प्रमुख दुर्गादत्त बोहरा, भीमदत्त नगरपालिकाका नगरप्रमुख पदम बोगटी र बेदकोट नगरपालिकाका नगरप्रमखु भोजराज बोहराको सहभागिता रहेको थियो ।
लेखकका स्वकीय सचिब जनक भट्टले मन्त्री उप्रेती र प्रधानसेनापति प्रभुराम शर्मासहितको उच्च स्तरमा मझगाउँ विमास्थलका लागि थप जग्गा प्राप्तीका विषयमा छलफल सकरात्मक भएको बताउनुभयो ।
“ मन्त्री र प्रधानमसेनापति ज्यूबाट विमानस्थल सम्वन्धमा सकरात्मक धारणा आएको छ ।” भट्टले भन्नुभयो–“ यो प्रक्रियागत अल्झन फुकाउन नेता लेखक सक्रिय हुनुहन्छ ।”
केही समयअघि स्थानीयहरुले विमानस्थलका लागि मझगाउँस्थित रत्न वाटिका खाली गराएका थिए ।
विमानस्थललाई जग्गाको स्वामित्व प्राप्त गर्नुअघि यहाँ वातावरणीय प्रभाव मुल्याङ्कन (इआइए) का लागि पहल थालिएको लामो समय बितिसक्दा पनि उक्त कार्यको पुरा नहुँदा निर्माणमा बाधा पुगेको छ ।
विमानस्थलको दक्षिणतर्फ रहेको रत्न वाटिका र नेपाली सेनाको केही भू–भाग विमनस्थल स्तरोन्नतीमा मासिन जान्छ ।
रु ४५ करोडको ठेक्का दिइएको विमानस्थलको पुर्ननिर्माण ३६ प्रतिशत सकिसकेको छ ।
भीमदत्त नगरपालिकाको १५, दोधारा चाँदनी नगरपालिकाको १०, सुदूरपश्चिम प्रदेश सरकारको २५ र नागरिक उड्डयन प्राधिकरणको ५० प्रतिशत गरी तीनै तहको साझेदारीमा विमानस्थल निर्माण भइरहेको हो ।
नेपाली सेनाले आफ्नो जग्गा  र विमानस्थलमा पर्ने केही भौतिक संरचना अन्यत्र उपलब्ध गराइदिन आशय व्यक्त गरेको छ ।

ताजा समाचार

राष्ट्रपतिको युरोप भ्रमण: जलवायु परिवर्तनमा नेपालको प्राथमिकता केन्द्रमा रहनुपर्ने मुद्दा स्थापित

काठमाडौँ । राष्ट्रपति रामचन्द्र पौडेलको स्वीट्जरल्याण्ड र जर्मनीको भ्रमणले जलवायु परिवर्तनको असर न्यूनीकरणको मुद्दा...

फिल्डिङ र ब्याटिङमा कमजोरी भए : आगामी दिनमा सुधार गर्छौँ स् कप्तान पौडेल

काठमाडौँ ।नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै...

हामी जतिसक्दो महाकाली पुल छिटो सम्पन्न गर्ने पक्षमा छौँ

कञ्चनपुरको भीमदत्त नगरपालिका–१२ ओदाली स्थित महाकाली नदीमा निमार्णाधिन चारलेनको पक्की पुल निमार्णको अन्तिम चरणमा...

एडिबीबाट भुटानलाई चार करोड अमेरिकी डलर ऋण स्वीकृत

काठमाडौँ । एसियाली विकास बैङ्क (एडिबी)ले बिहीबार भुटानलाई सार्वजनिक वित्तीय व्यवस्थापन र हरित विकासलाई...