सल्ली खोलामा बनेको पुल प्रयोगविहीन

Published on

काठमाडौं । सिमकोट हिल्सा सडकखण्डको सल्ली खोलामा पक्की पुल बने पनि प्रयोगमा आउन सकेको छैन । पुलको किनारामा ग्याविन भरेर सडकलाई केही उचाई दिनका लागि बजेटको कमी भएका कारण निर्माण हुन नसक्दा निर्माण कार्य पूरा भएको पुल सञ्चालन आउन नसकेको हो ।

पुल निर्माण कम्पनी स्वच्छन्द कङ्ग्री निर्माण जेभीका प्रतिनिधि छिरिङ लामाले गत मङ्सिर महिनामा निर्माण कार्य पूरा भएको उक्त पक्की पुल हालसम्म सञ्चालन हुन नसकेको जानकारी दिनुभयो । उहाँले सम्झौता अनुसार पुल निर्माणको कार्य पूरा गरेको बताउनुभयो । अब थप बजेटको व्यवस्था नभएसम्म पुल पश्चिमतर्फको सडकमा ग्याविन लगाएर सडकलाई उचाई दिन नसकेसम्म पुल सञ्चालनमा आउन नसक्ने उहाँको भनाइ छ । लामाले सडक किनारामा ग्याविन भर्ने कार्य हिल्सा सिमकोट सडक आयोजनाले मौखिक रुपमा गर्न निर्देशन दिए पनि त्यो गर्न नसकिने जानकारी दिनुभयो । त्यसका लागि थप लागतको आवश्यक पर्ने भएका कारण सडक विभागबाट भिओ स्वीकृत नभई काम गर्न नसकिने अवस्था रहेको उहाँको भनाइ छ । यसले गर्दा सल्लीको पक्की पुल सञ्चालनमा आउने कुरा अनिश्चित भएको छ । सात वर्ष अगाडि हिल्सा सिमकोट सडक आयोजनाले सो पुल निर्माणका लागि उक्त निर्माण कम्पनीसँग सम्झौता गरेको थियो । कम्पनीले सात महिना अगाडि निर्माण कार्य पूरा गरेको थियो । आयोजनाका योजना प्रमुख बेलबहादुर नेपालीले केही काम बाँकी रहेको र त्यसका लागि बजेट अभाव भएका कारण निर्माण कार्य पूरा भएर पनि सञ्चालनमा आउन नकसको बताउनुभयो । पुल निर्माण भएर सञ्चालनमा नआएका कारण हाल सल्ली खोलमा चार वर्ष निर्माण गरिएको काठे पुलमा यातायातका साधन तर्दै आएको छ भने पुल पनि निक्कै जिर्ण अवस्थामा रहेको छ । गोरखापत्र

ताजा समाचार

राष्ट्रपति पौडेल बर्लिनमा, भोलि औपचारिक भेटवार्ता

काठमाडौँ । राष्ट्रपति रामचन्द्र पौडेल सङ्घीय गणतन्त्र जर्मनीको औपचारिक भ्रमणका क्रममा जेनेभाबाट बर्लिन पुगेका...

सरकारको निर्णय कुर्दै एयर अस्त्र

काठमाडौं । बङ्गलादेशी एयरलाइन्स कम्पनी एयर अस्त्रले ढाका–पोखरा–ढाका उडानका लागि तीव्र तयारी थालेको छ...

नेपाल र श्रीलङ्काबिचको खेल वर्षाले रद्ध, नेपालको सुपर आठ सम्भावना कायम

काठमाडौं । आइसिसी टी(२० विश्वकप अन्तर्गत नेपाल र श्रीलङ्काबिचको खेल वर्षाका कारण रद्ध भएको...

अवैध रूपमा ढुवानी गर्दै गरेको शालिग्राम नियन्त्रण

काठमाडौं । मुस्ताङबाट अवैध तवरले चोरी निकासी गर्न लागिएको झन्डै तीन हजार चार सय...