नवलपुर स्थित अवरुद्ध सडक एकतर्फी सञ्चालन

Published on

क्काठमाडौँ । पूर्व–पश्चि राजमार्गको नारायणगढ–बुटवल सडक खण्ड अन्तर्गत नवलपरासी (बर्दघाट–सुस्तापूर्व) गैँडाकोट –९ थुम्सीमा सडक भासिँदा अवरुद्ध राजमार्ग अहिले एकतर्फी सञ्चालनमा आएको छ । सडक भासिएको ठाउँमा ढुङ्गा–माटो भरेपछि अहिले एकतर्फी सञ्चालनमा रहेको अस्थायी ट्राफिक प्रहरी पोष्ट गैँडाकोटका प्रमुख, प्रहरी वरिष्ठ नायब निरीक्षक दामोदर मल्लले बताउनुभयो ।

दुईतर्फी सडक खुलाउने प्रयास पनि जारी रहेकाले दुईतर्फी यातायात सञ्चालन हुन करिब तीनदेखि चार घण्टा लाग्न सक्ने उहाँले बताउनुभयो । अहिले क्रमैसँग साना ठूला गाडी पास भइरहेको उहाँले बताउनुभयो । सोमबार साँझदेखि परेको वर्षाका कारण राति १२ बजेदेखि अवरुद्ध राजमार्ग २४ घण्टा पछि एकतर्फी सञ्चालनमा आएको हो । खोलाले पुलसँगैको माटो बगाएपछि सडक अवरुद्ध बन्न पुगेको थियो । सडक अवरुद्ध हुँदा रातको समयदेखि लामो दूरीका यात्रुहरु अलपत्र परेका थिए । यस्तै, नवलपुरको विनयीत्रिवेणी गाउँपालिका –२ विश्वकर्मा मन्दिरनजिक नारायणघाट–बुटवल सडक खण्डमा बर्खाका कारण डाइभर्सनको माटो बगाएर सडक अवरुद्ध भएको प्रहरीले जनाएको छ । जिल्लाको हुप्सेकोट गाउँपालिका –५ पाङग्रेस्थति दलदले डेढगाँउको भित्री सडक खण्डमा पहिरोले अवरुद्ध बाटो खुलाउने प्रयास भइरहेको जिल्ला प्रहरी कार्यालय नवलपुरका प्रहरी नायब उपरीक्षक वेदबहादुर पौडेलले जानकारी दिनुभयो । अवरुद्ध सडक दुईतर्फी खुलाउने प्रयास भइरहेको प्रहरीको भनाइ छ । गोरखापत्र ।

ताजा समाचार

राष्ट्रपतिको युरोप भ्रमण: जलवायु परिवर्तनमा नेपालको प्राथमिकता केन्द्रमा रहनुपर्ने मुद्दा स्थापित

काठमाडौँ । राष्ट्रपति रामचन्द्र पौडेलको स्वीट्जरल्याण्ड र जर्मनीको भ्रमणले जलवायु परिवर्तनको असर न्यूनीकरणको मुद्दा...

फिल्डिङ र ब्याटिङमा कमजोरी भए : आगामी दिनमा सुधार गर्छौँ स् कप्तान पौडेल

काठमाडौँ ।नेपाली राष्ट्रिय क्रिकेट टिमका कप्तान रोहितकुमार पौडेलले अमेरिका र वेस्ट इण्डिजको मैदान नै...

हामी जतिसक्दो महाकाली पुल छिटो सम्पन्न गर्ने पक्षमा छौँ

कञ्चनपुरको भीमदत्त नगरपालिका–१२ ओदाली स्थित महाकाली नदीमा निमार्णाधिन चारलेनको पक्की पुल निमार्णको अन्तिम चरणमा...

एडिबीबाट भुटानलाई चार करोड अमेरिकी डलर ऋण स्वीकृत

काठमाडौँ । एसियाली विकास बैङ्क (एडिबी)ले बिहीबार भुटानलाई सार्वजनिक वित्तीय व्यवस्थापन र हरित विकासलाई...