विआरआई कार्यान्वयन योजनामा हस्ताक्षर हुने

Published on

काठमाडौं । नेपाल र चीनविच बिआरआई कार्यान्वयन योजनामा छिट्टै हस्ताक्षर हुने भएको छ । नेपालको औपचारिक भ्रमणमा रहनुभएका चीनका उपविदेशमन्त्री सुन वेइतोङ र उपप्रधान तथा परराष्ट्रमन्त्री नारायणकाजी श्रेष्ठबिच परराष्ट्र मन्त्रालयमा बुधबार बिहान भएको भेटघाटका क्रममा बिआरआईको योजनालाई जतिसक्दो चाँडो अन्तिम रुप दिई हस्ताक्षर गर्ने सहमति जुटेको हो । चीन भ्रमणमा जाने नेपालीलाई निःशुल्क भिषा उपलब्ध गराउने चीनको निर्णयको स्वागत गर्दै उपप्रधानमन्त्री श्रेष्ठले नेपाल चीन सीमामा रहेका परम्परागत १४ ओटा नाका हालसालै सुचारु भएकोमा खुसी व्यक्त गर्नुभयो । नेपाल र चीनबिचमा ऐतिहासिक एवं समस्यारहित सम्बन्ध रहेको उल्लेख गर्दै उपप्रधानमन्त्री श्रेष्ठले नेपालको आर्थिक एवं सामाजिक विकासका लागि चीनले गरेको सहयोगका लागि धन्यवाद व्यक्त गर्नुभयो ।

उक्त अवसरमा हालै सम्पन्न नेपाल–चीन परामर्श संयन्त्रको १९ औं बैठकद्वारा परराष्ट्रमन्त्री स्तरीय संयन्त्र बनाउने सम्बन्धमा भएको निर्णयबारे उपप्रमले खुसी व्यक्त गर्नुभयो । चीनका उपविदेशमन्त्री सुनले नेपालको एक चीन नीतिको प्रशंसा गर्नुभयो । उहाँले नेपालको आर्थिक तथा सामाजिक विकासका लागि चीनले निरन्तर सहयोग गर्ने प्रतिबद्धता व्यक्त गर्नुभयो । नेपाल र चीनबिच क्षेत्रीय एव। विश्वस्तरीय कैयौँ मुद्दामा समान धारा रहेको उल्लेख गर्दै उपविदेशमन्त्री सुनले नेपाल र चीन्बिच मित्रता र आपसी सहयोग रहेको र कुनै पनि प्रकारको असहमति नरहेको उल्लेख गर्नुभयो । भेटवार्तामा दुई देशबिचको आपसी हित तथा सहयोगका विविध विषय एवं क्षेत्रबारे छलफल भएको थियो । नेपालको औपचारिक भ्रमण सकेर चीनका उपविदेशमन्त्री सुन आजै स्वदेश फिर्ता हुनुभएको छ । गोरखापत्र

ताजा समाचार

परराष्ट्रमन्त्री डा राणासँग अमेरिकी राजदूतको शिष्टाचार भेट

काठमाडौं । परराष्ट्रमन्त्री डा आरजु राणा देउवासँग नेपालका लागि अमेरिकी राजदूत डिन आर थम्पसनले...

प्रदर्शनकारीद्वारा बङ्गलादेशका सरकारी भवनमा आागजनी

काठमाडौं । बङ्गलादेशमा जारी आरक्षणविरोधी आन्दोलनका क्रममा प्रदर्शनकारीले एकैदिन धेरै सरकारी भवनमा आगो लगाइदिएका...

ओलम्पिकमा सहभागी हुन जाने नेपाली टोलीको बिदाइ

काठमाडौं । राष्ट्रपति रामचन्द्र पौडेलले ३३औँं गृष्मकालीन पेरिस ओलम्पिकमा सहभागी हुन जाने नेपाली खेलाडीलाई...

भगवानको कृपाले म बाँचे : पूर्वराष्ट्रपति ट्रम्प

काठमाडौं । पूर्व अमेरिकी राष्ट्रपति एवम् रिपब्लिकन राष्ट्रपति पदका उम्मेदवार डोनाल्ड ट्रम्पले आइतबार भएको...