महेन्द्रनगर । आर्थिक वर्ष २०८१/०८२ देखि दोधारा चाँदनी नगरपालिकामा लाग्ने सम्पूर्ण राजस्व अब सर्वसाधारण ले अनलाइन माध्यम बाट घरदेखि नै भुक्तानी गर्न सकिने भएको छ । अनलाइन राजस्व भुक्तानीमा सफल रहने उदेश्य अनुरप दोधारा चादनी नगरपालिकाले लक्ष हासिल गरेको खण्डमा नगरपालिका देश भरीमै सातौं र सुदूरपश्चिमको पहिलो पालिका हुने छ । प्रविधिको युग सँगै प्रविधिमुलक नगरपालिका बनाउने र अनलाइन बाटै नगरपालिकाको काम गर्ने उदेश्य पुरा हुने नगरपालिकाले विस्वास लिएको मेयर किशोर लिम्बुले बताए । यसैगरि दोधारा चाँदनीको राजश्व प्रसाशन लाई थप प्रविधी मैत्री बनाइँदै लगिने राजस्व परामर्स समितिका संयोजक एवं नगर उपप्रमुख गंगा देवी जोशीले बताइन् ।
अनलाइन राजस्व भुक्तानी कसरी गर्ने भन्ने कुरा र नेपाल भरी जुनसुकै पालिकामा कर तिर्नु परे एउटै आइडी बाट सम्पूर्ण कर तिर्न सकिने नगरपालिकाले एक कार्यक्रमका बिच भिडियो प्रस्तुत गरेको थिए । दोधारा चाँदनी नगरपालिका लगातार ४ वर्ष बजेट समय मै सुत्रप्रणालीमा समावेश गर्ने देश भरिको पहिलो नगरपालिका बनेको उनलेको विस्वास थियो। उक्त कार्यक्रममा नगरपालिका प्रमुख किशोर कुमार लिम्बू, नगर उप प्रमुख गंगा देबि जोशी, वडा न २ का अध्यक्ष पदम रावल , वडा न ३ का अध्यक्ष हरि सिङ धनाडी र दश ओटै वडाका वडा सचीव लगायत बजार व्यवसायीहहरुको उपस्थिती रहेको थियो।