काठमाण्डौं । स्थानीय बजारमा सुनको मूल्य हालसम्मकै उच्च भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु. ६०० ले वृद्धि भइ रु. १ लाख ६५ हजार कायम भएको छ । महासङ्घका अनुसार शुक्रबार छापावाल सुन प्रतितोला रु. १ लाख ६४ हजार चार सयमा कारोबार भएको थियो ।
त्यस्तै चाँदीको मूल्य तोलामा रु. ९५ ले वृद्धि भएको छ । शुक्रबार प्रतितोला रु. एक हजार नौ सय ८० मा कारोबार भएको चाँदीको मूल्य आजका लागि भने रु. दुई हजार ७५ निर्धारण भएको महासङ्घले जनाएको छ । रासस
