काठमाडौँ । दुवै मिर्गौला फेल भएर काठमाडौंको केएमसी अस्पतालमा उपचाररत प्युठान, गौमुखी–६, लिवाङका ४८ वर्षीय कृष्ण बोहोरालाई सामाजिक सञ्जालमार्फत सङ्कलित ६ लाख ३० हजार ४५ रुपियाँ सहयोग हस्तान्तरण गरिएको छ । नेकपा एमाले लुम्बिनी प्रदेश सदस्य तथा माण्डवी गाउँपालिकाका पूर्वअध्यक्ष श्रीधर रोका मगरले अस्पतालमै पुगेर रकम हस्तान्तरण गर्नुभएको हो । रकम पाउँदा बोहोराले खुसी व्यक्त गर्दै सहयोगी दाताहरूप्रति आभार व्यक्त गर्नुभयो । बोहोराको उपचारका लागि सामाजिक सञ्जालमार्फत विशेष सहयोग अभियान सञ्चालन गरिएको थियो, जसअन्तर्गत विभिन्न व्यक्ति तथा संस्थाहरूले आर्थिक सहयोग प्रदान गरेका थिए । अभियानलाई अझै निरन्तरता दिइने जनाइएको छ ।