काठमाडौं । जल तथा मौसम विज्ञान विभागका अनुसार पछिल्लो ६ घण्टामा देशभर औसत ६४ मिलिमिटर वर्षा मापन गरिएको छ। मधेश प्रदेशमा सबैभन्दा बढी वर्षा भएको छ, जहाँ वीरगञ्जमा मात्रै ६४ मिलिमिटर पानी परेको छ।
गौर, महेशपुर, कलैया, टाँडी र ठोरीमा पनि ५० मिलिमिटर हाराहारी वर्षा भएको छ। मधेशसँगै बागमती र गण्डकी प्रदेशमा पनि धेरै वर्षा मापन गरिएको छ भने कोशी, लुम्बिनी र सुदूरपश्चिममा कम मात्रामा वर्षा भएको छ।
काठमाडौँ उपत्यकामा गोदावरीमा सबैभन्दा बढी ४१ मिलिमिटर वर्षा भएको छ, भने खुमलटार, चन्द्रागिरी, नगरकोट, कपन र कलंकीमा पनि उल्लेख्य वर्षा मापन गरिएको विभागले जनाएको छ।
