काठमाडौं । अविरल वर्षाका कारण कोशी नदीमा पानीको बहाव उच्च हुँदै गएको छ। आइतबार बिहान ७ बजे कोसी ब्यारेजमा २ लाख ७१ हजार ३१० क्युसेक प्रतिसेकेन्ड पानीको बहाव मापन गरिएको छ र ब्यारेजका ३९ ढोका खोलिएका छन्।
शनिबारदेखि लगातार वर्षा भएसँगै नदीमा पानीको सतह बढेको हो। यद्यपि हालसम्म पूर्वी तटबन्धमा कुनै क्षति नभएको कोशी तटबन्धका प्राविधिक महोन मण्डलले जानकारी दिनुभयो।
राजावास, प्रकाशपुर र मधुवन क्षेत्रमा कटान नभए पनि नदी आसपासका बासिन्दालाई सतर्क रहन आग्रह गरिएको छ।
