काठमाडौं । प्रधानमन्त्री सुशीला कार्कीको अध्यक्षतामा आज सिंहदरबारमा बसेको विपद् जोखिम न्यूनीकरण तथा व्यवस्थापन राष्ट्रिय परिषद्को १९औं बैठक चलिरहेको छ।
बैठकमा केही दिनअघि आएको मनसुनजन्य विपद्को खोज, उद्धार र राहत व्यवस्थापन सम्बन्धी विषयहरूमा केन्द्रित छलफल भइरहेको परिषद्का प्रवक्ता शान्ति महतले जानकारी दिनुभयो। बैठकमा आवास विहीन पीडितका लागि अस्थायी आवास निर्माण तथा त्यसका लागि आवश्यक राहतको मात्रा र व्यवस्थाबारे निर्णय हुने सम्भावना रहेको छ।
बैठकमा प्रधानमन्त्री कार्कीसँगै अर्थमन्त्री रामेश्वर खनाल, ऊर्जा मन्त्री कुलमान घिसिङ, गृहमन्त्री ओमप्रकाश अर्याल, सञ्चार तथा सूचना प्रविधि मन्त्री जगदीश खरेल लगायत अन्य मन्त्री तथा उच्च अधिकारीहरूको सहभागिता रहेको छ।
बैठकमा भएका निर्णयहरूबारे पछिल्लो चरणमा पत्रकार सम्मेलनमार्फत सार्वजनिक गरिने जानकारी पनि दिइएको छ।
