काठमाडौं । पाँचथरको फालेलुङ गाउँपालिकामा आगलागीमा परी एउटा घर जलेको छ । फालेलुङ –५ प्राङवुङका एलमान थाम्सुहाङको घर आगलागीमा परेको हो ।
आगोले भान्सा घर पनि जलेको जिल्ला प्रहरी कार्यालय पाँचथरका प्रहरी प्रमुख (डिएसपी) अनिषकुमार कर्णले बताउनुभयो । उहाँका अनुसार आगलागीका कारण थाम्सुहाङ परिवारको ५ लाख ६० हजार रुपियाँ बराबरको क्षति भएको छ ।
थाम्सुहाङको अन्नपात, लत्ताकपडा र घरभित्रका अन्य सामग्री जल्दा क्षति भएको प्रहरीले जनाएको छ । आगलागी पश्चात थाम्सुहाङ परिवारका १० जना सदस्य विस्थापित भएका छन । तत्कालका लागि उहाँहरुलाई आफन्तकहाँ राखिएको छ । गोरखापत्र
