सल्यानमा फोर्स गाडी दुर्घटना, पाँच जना घाइते

Published on

काठमाडौं । राप्ती राजमार्गअन्तर्गत सल्यानको छत्रेश्वरी गाउँपालिका–६ शिवगुफा नजिक फोर्स गाडी दुर्घटना हुँदा पाँच जना घाइते भएका छन्। दुर्घटना गएराति करिब १२ बजे भएको हो।

नेपालगञ्जबाट रुकुम पश्चिमतर्फ जाँदै गरेको लु.प्र.०१–००१ ख ०७०६ नम्बरको फोर्स गाडी सडकबाट अनियन्त्रित भएर दुर्घटना हुँदा गाडीमा सवार १२ यात्रुमध्ये पाँच जना घाइते भएको जिल्ला प्रहरी कार्यालय सल्यानले जनाएको छ।

घाइते हुनेमा रुकुम पश्चिम सानिभेरी गाउँपालिका–११ का ४० वर्षीय डिल्लीबहादुर खत्री, ५२ वर्षीय भिमबहादुर डाँगी, सानिभेरी–१ का ४८ वर्षीय वीरबहादुर खड्का, उनकी ४८ वर्षीया श्रीमती धनसरी खड्का, र सल्यान दार्मा गाउँपालिका–२ निवासी निमा केसीका दुई वर्षीय छोरा जनक देवकोटा रहेका छन्।

प्रहरीका अनुसार सबै घाइतेको श्रीनगरस्थित अस्पतालमा उपचारपछि डिस्चार्ज गरिएको छ। दुर्घटनापछि चालक रुकुम पश्चिम सानिभेरी–८ का २३ वर्षीय दिपक केसी र गाडीका कागजात नियन्त्रणमा लिएर थप अनुसन्धान भइरहेको जिल्ला प्रहरी कार्यालय सल्यानले जनाएको छ।गोरखापत्र

spot_img

ताजा समाचार

शान्तिसुरक्षा कायम गरेर मात्र निर्वाचन : पूर्व सञ्चारमन्त्री गुरुङ

काठमाडौं । नेपाल कम्युनिष्ट पार्टी (एमाले) का उपमहासचिव एवं निवर्तमान सञ्चार तथा सूचना प्रविधि...

मतदाता नामावली उत्साहपूर्वक सङ्कलन गरिँदै

काठमाडौं । राष्ट्रिय परिचयपत्र प्रयोग गरेर पनि मतदाता नामावली सङ्कलन सुरू गरेपछि नयाँ मतदाताको...

एक वर्षपछि खुल्यो मुर्कची-रौता-जाँते ग्रामीण सडक

काठमाडौं । उदयपुरको उत्तरी मध्यपहाडी क्षेत्रको मुर्कुची, रौता, जाते ग्रामीण सडक एक वर्षपछि खुलेको...

संयुक्त राष्ट्र सुरक्षा परिषदले सोमबार गाजा युद्धविराम प्रस्तावमा मतदान गर्ने

काठमाडौं । संयुक्त राष्ट्र सुरक्षा परिषदले सोमबार अमेरिकी राष्ट्रपति डोनाल्ड ट्रम्पको गाजा शान्ति योजनालाई...