काठमाडौं । ‘मोन्था’ चक्रवातको प्रभावका कारण देशका अधिकांश भागमा शनिबार बिहानसम्म वर्षा हुने जल तथा मौसम पूर्वानुमान महाशाखाले जनाएको छ।
महाशाखाका अनुसार कर्णाली र सुदूरपश्चिम प्रदेशमा छिटपुट वर्षा हुने, भने बाँकी प्रदेशहरूमा मध्यम वर्षा हुने अनुमान गरिएको छ। मौसम विभागकी प्रवक्ता विभूति पोखरेलका अनुसार शनिबार बिहानदेखि मौसममा क्रमशः सुधार हुने सम्भावना छ।
उनका अनुसार आगामी २४ घण्टाभित्र काठमाडौं उपत्यका र वरपरका क्षेत्रमा पनि वर्षा हुने अनुमान छ, तर सबै स्थानमा लगातार वर्षा नहुने बताइएको छ।
यसैबीच, कोशी, बागमती, गण्डकी र कर्णाली प्रदेशका उच्च पहाडी तथा हिमाली क्षेत्रहरूमा एक–दुई स्थानमा भारी हिमपातको सम्भावना रहेको प्रवक्ता पोखरेलले जानकारी दिनुभयो।
