काठमाडौं । प्रधानमन्त्री सुशीला कार्कीले दिल्लीमा भएको विस्फोटप्रति दुःख व्यक्त गर्नुभएको छ। ट्वीटर (एक्स)मार्फत् पोस्ट गर्दै उहाँले मृतकका परिवारप्रति समवेदना प्रकट गर्नुभएको साथै घाइतेहरूको शीघ्र स्वास्थ्यलाभको कामना गर्नुभएको छ।
प्रधानमन्त्री कार्कीले भारतका प्रधानमन्त्री नरेन्द्र मोदीलाई मेन्सन गर्दै लेख्नुभएको छ कि दुःखको घडीमा नेपाल सधैं भारतको साथमा रहेको छ। उहाँको शब्दमा, “हिजो साँझ भएको दुःखद् दिल्ली विस्फोटबाट म स्तब्ध र दुःखी छु। शोक सन्तप्त परिवारप्रति गहिरो समवेदना र घाइतेको शीघ्र स्वास्थ्यलाभको लागि प्रार्थना गर्दछु।”
विस्फोटमा परेर अहिलेसम्म आठ जनाको मृत्यु भइसकेको छ भने केही घाइतेहरूको अवस्था गम्भीर रहेको भारतीय सञ्चार माध्यमले जनाएका छन्।
