काठमाडौं । रौतहटमा इभि गाडीले ठक्कर दिँदा एक जनाको मृत्यु भएको छ । बौधिमाई नगरपालिका–१ भुवाली चौकमा पिपरीयाबाट अजगैबि जाने भित्री सडक खण्डमा बागमती प्रदेश ०३–००१ ज ७६६ नं. को इभि गाडीले अनटेस्ट प्लेटिना मोटरसाइकललाई ठक्कर दिँदा मोटरसाइकल चालकको उपचारको क्रममा मृत्यु भएको छ ।
मोटरसाइकल चालक बौधीमाई नगरपालिका–२ ईनर्वाका २३ वर्षीय दिपेन्द्र बैठाको मृत्यु भएको जिल्ला प्रहरी कार्यालय रौतहटका प्रहरी निरीक्षक रुद्रराज कंडेलले जानकारी दिनुभयो । सोमबार बिहान ०८ः४५ बजेको समयमा इभिको ठक्करले गम्भिर घाईते भई उपचारको लागी प्रादेशिक अस्पताल गौरमा भर्ना भएका बैठालाई डाक्टरले १० बजेर १५ मिनेटमा मृत घोषणा गरेको उहाँले बताउनुभयो ।
ठक्कर दिने इभि गाडी र इभि गाडीका चालक रौतहटको राजपुर नगरपालिका–५ का २५ वर्षीय उपेन्द्र साहलाई नियन्त्रणमा लिइएको जिल्ला प्रहरी कार्यालय रौतहटका प्रहरी निरीक्षक कंडेलले बताउनुभयो । शव प्रादेशिक अस्पताल गौरमै रहेको र घटनाको अनुसन्धान भइ रहेको उहाँले जानकारी दिनुभयो । गोरखापत्र
