काठमाडौं ३० वैशाख । नेपाली सेनाले मतदान केन्द्रमा भएको झडपबाट घाइतेलाई हेलिकप्टरबाट उद्धार गरेको छ । शुक्रवार निर्वाचनको क्रममा हुम्ला जिल्ला स्थित चंखेली गाउँपालिका –२ महादेव मा. वि. मतदान केन्द्रमा झडप हुँदा घाइते भएका कार्यालय सहयोगी काला रोकायालाई सेनाले हेलिकप्टरद्धारा उद्धार गरेको हो ।
झडपमा परि टाउकोमा चोट लागेका रोकायाको अवस्था गम्भिर भएपछि प्रादेशिक अस्पताल सुर्खेत लैजान तयार पारिएका उनलाई सेनाको NA -061 Bell हेलिकप्टर मार्फत झडप भएको स्थानबाट सुर्खेत एयरपोर्ट सम्म सेनाले हेलिकप्टर मार्फत ल्याएको हो ।
यसैगरी शुक्रवारकै दिन हृदयघातका कारण ज्यान जोखिममा रहेका शसस्त्र प्रहरी बलका प्र. ना. उ. लक्ष्मण थापाको समेत सेनाले हेलिकप्टर मार्फत उद्धार भएको छ । सेनाको तर्फबाट पाइलट प्रमुख सेनानी दिप ध्वज खड्काको कमाण्डमा पाइलट सह सेनानी अच्युत राज पाठक सहितको टोलीले थापालाई धनगढि रंगशालाबाट नेपालगञ्ज एयरपोर्ट सम्म पुगाइएको समेत सेनाले जनाएको छ । यो सँगै निर्वाचनकै दिन गोली लागि घाइते भएकी मनिसा थापा मगरलाई समेत सेनाको हेलिकप्टर मार्फत उद्धार गरिएको छ ।