महेन्द्रनगर ८ असार । कञ्चनपुरको सदरमुकाम महेन्द्रनगर स्थित मन्त्र हस्पिटलमा असार ११ गते विशेषज्ञ चिकित्सकद्धारा निशुल्क स्वास्थ्य शिविर सञ्चालन गरिने भएको छ । हस्पिटलका अनुसार असार ११ गते बिहानैबाट निशुल्क चेकजाँच सँगै
प्रयोगशालामा २० प्रतिशत र अन्य जाँचमा पनि १० प्रतिशत छुट सँगै स्वास्थ्य शिविर सञ्चालन गर्ने गरेको हो ।
सामाजिक उत्तरदायित्वलाई मध्यनजर गर्दै स्वास्थ्य सेवा हाम्रो पहिलो प्राथमिकता भन्ने नाराका साथ मन्त्र हस्पिटलले चेकजाँच शिविरमा सहभागी भई बिरामी नागरिकलाई सेवाको लाभ लिन भनेको छ । महेन्द्रनगरमा निजि क्षेत्रबाट सबैभन्दा बढी लगानी गरिरहेको हस्पिटटले एकपछि अर्काे सेवा पनि थप गर्दै गएको छ । यस्तै हस्पिटलले आगामी दिनमा स्वास्थ्य सेवामा सामाजिक कार्य थप गर्दै जाने योजना पनि राखेको हस्पिटटले जनाएको छ ।