आफ्नै भवनबाट सेवा प्रवाह

Published on

काठमाडौं । भूकम्पले प्रशासनिक भवनमा क्षति पुगेपछि टेन्टबाट सेवा दिँदै आएको जिल्ला प्रशासन कार्यालय जाजरकोटले आफ्नै भवनबाट सेवा प्रवाह सुरु गरेको छ । गत कात्तिक १७ गते भूकम्पले जिल्ला प्रशासनको भवन क्षतिग्रस्त बनाएपछि सेवा प्रवाहमा समस्या हुँदै आएको थियो । भूकम्पपछि अस्थायी टेन्ट र त्रिपालबाट कार्यालयको सेवा सञ्चालन भइरहेको थियो ।

संयुक्त राष्ट्रसङ्घीय विकास कार्यक्रम (युएनडीपी) का उपआवासीय प्रतिनिधि विजय सिंहले सोमबार जाजरकोटका प्रमुख जिल्ला अधिकारी ऋषिराज आचार्यलाई भवन हस्तान्तरण गर्नुभएको हो । ६९ लाख ५१ हजार ६५५ रुपियाँको लागतमा निर्माण भएको भवनको प्राविधिक तथा आर्थिक सहयोग युएनडिपीले गरेको हो । प्रमुख जिल्ला अधिकारी आचार्यले युएनडिपीको सहयोगमा प्रिफ्याक भवन बनेपछि कार्यालय सञ्चालनमा सहज भएको बताउनुभयो । भवन नहुँदा सेवा प्रवाहमा निकै समस्या भएको स्मरण गर्दै उहाँले सेवाग्राही उभिन र बस्नसमेत कठिनाइ भइरहेका बेला भवन बनेपछि सेवा प्रवाह सहज हुने जानकारी दिनुभयो ।

हाल निर्माण भएको भवन आगो नलाग्ने, तापक्रम नियन्त्रणमा राख्न सक्ने र भूकम्प प्रतिरोधी रहेको जानकारी गराएको थियो  । युएनडिपीका उपआवासीय प्रतिनिधि सिंहले विपत्को सामना सबै मिलेर गर्नुपर्ने बताउँदै भूकम्पका कारण भवनमा क्षति हुँदा जिल्ला प्रशासन कार्यालयको सेवा प्रवाहमा समस्या देखिएपछि सहयोग गरिएको बताउनुभयो । सो अवसरमा जिल्ला प्रशासन कार्यालयले युएनडिपीलाई प्रशंसापत्र प्रदान गरेको छ । युएनडिपीका कार्यक्रम अधिकृत मनराज आचार्यलाई भूकम्पपश्चात् जिल्ला विपत् व्यवस्थापन समितिको सचिवालयमा रहेर सम्पर्क समन्वय तथा तथ्याङ्क व्यवस्थापनमा उत्कृष्ट कार्य गरेको भन्दै सम्मान गरिएको थियो । युएनडिपीले जिल्ला प्रशासन कार्यालयका साथै जिल्लाको नलगाड नगरपालिकामा इलाका प्रहरी कार्यालय भवन, बारेकोट गाउँपालिकामा कृषि र पशु कार्यालयका भवन, रुकुमपश्चिमका आठबिसकोटमा इलाका प्रहरी कार्यालय भवन र आठबिसकोटकै १४ नम्बर वडा कार्यालय भवन निर्माणको अन्तिम चरणमा रहेको अधिकृत मनराज आचार्यले जानकारी दिनुभयो । गोरखापत्र

spot_img

ताजा समाचार

प्रधानमन्त्री वालेन्द्र शाहज्यू दुई दिने राजकीय भ्रमणका लागि भारत प्रस्थान

काठमाडौँ - प्रधानमन्त्री वालेन्द्र शाहज्यू दुई दिने राजकीय भ्रमणका लागि भारत प्रस्थान गर्नुभएको छ।...

गल्कोट घुम्टे सहकारीको नयाँ सञ्चालक समिति निर्विरोध चयन, वित्तीय अवस्था सार्वजनिक

काठमाडौं – काठमाडौंको शंखमूल, नयाँबानेश्वरमा मुख्य कार्यालय रहेको गल्कोट घुम्टे बहुउद्देश्यीय सहकारी संस्था लिमिटेडको...

गल्कोट घुम्टे सहकारीद्वारा उपहार खबरका सञ्चालक तथा प्रधान सम्पादक रामदत्त मिश्र सम्मानित

काठमाडौं – गल्कोट घुम्टे बहुउद्देश्यीय सहकारी संस्था लिमिटेडले उपहार खबरका सञ्चालक तथा प्रधान सम्पादकलाई...

प्रधानमन्त्री बालेन आज भारतको राजकीय भ्रमणमा जाँदै, ३४ सदस्यीय टोलीको नेतृत्व गर्ने

काठमाडौं -प्रधानमन्त्री बालेन शाह आज भारतको राजकीय भ्रमणमा जाँदै हुनुहुन्छ । उहाँ ३४ सदस्यीय...