काठमाडौं । अर्घाखाँचीको शितगंगामा छहरे खोलाले बगाउँदा बेपत्ता भएका एक युवाको शव फेला परेको छ । बेपत्तामध्ये उमेश पौडेलको शव फेला मङ्गलबार साँझ फेला परेको हो ।
शव झरनाभन्दा पाँच सय मिटर तल खोलामा डुबिरहेको अवस्थामा फेला परेको जिल्ला प्रहरी कार्यालय अर्घाखाँचीका प्रमुख प्रतिकसिह राठौरले जानकारी दिनुभयो । कपिलवस्तुको बाणगंगा–२ का २३ वर्षीय किशोर रास्कोटी अझै बेपत्ता रहेका छन् । शितगंगा नगरपालिका–१३, सिमलपानीको बिचमा पर्ने छहारामा फोटो खिच्नेक्रममा उनिहरुलाई खोलाले बगाएको थियो ।
मङ्गलबार दिउँसो घुम्न निस्किएका चार जना झरनामा फोटो खिचाउन पुगेका थिए । झरनाले चारै जनालाई बगाएको भए पनि दुई जना पौडिएर बाँच्न सफल भएका थिए । दुई जनामध्ये एक जनाको शव फेला परेको र अर्का युवाको खोजिकार्य जारी रहेको जिल्ला प्रहरी कार्यालय अर्घाखाँचीले जनाएको छ । गोरखापत्र
