काठमाण्डौँ । धारिलो हतियार प्रहार गरी नवलपुरमा एक जनाको हत्या गरिएको छ । सोही जिल्लाको देवचुली नगरपालिका वडा नं. ९ बस्ने विशालटारका ३० वर्षीय अर्जुन नेपालीले सोही ठाउँका २९ वर्षीय मिलन मानन्धरलाई हतियारले पेटमा प्रहार गरी हत्या गरेको त्यहाँको स्थानिय प्रहरीले जनाएको छ ।
धारिलो हतियारको चोटबाट घाइते भएका मानन्धरको अस्पतालमा उपचारको क्रममा मृत्यु भएको जिल्ला प्रहरी कार्यालयले जनाएको छ ।
मानन्धरको हत्या गरी भाग्दै गरेको क्रममा नेपालीलाई स्थानिय प्रहरी प्रशासनले कावासोती नगरपालिका १६ डण्डामा पक्राउ गरी नियन्त्रणमा लिएको छ । हत्या बारे थप अनुसन्धान चलिरहेको प्रहरी नायव उपरीक्षक जेशी साहले जानकारी दिनु भयो ।