काठमाडौँ । नेपाल क्रिकेट सङ्घ (क्यान) को आयोजनामा टेस्ट संरचनाको जय ट्रफी प्रतियोगिता आजबाट सुरु भएको छ । प्रतियोगिताको उद्घाटन खेल जनकपुरको रजौलस्थित रामजानकी अन्तर्राष्ट्रिय रङ्शालामा मधेश प्रदेश र बागमती प्रदेशबिच खेल सुरु भएको हो । मधेश प्रदेशले टस जितेर ब्याटिङ रोजेको छ । मौसमको खराबीले खेल निर्धारित समयभन्दा दुई घण्टा ढिलो सुरु भएको छ । हुस्सुले गर्दा खेल ढिलो सुरु भएको आयोजकले जनाएको छ । त्यस्तै वीरगङ्गस्थित नारायणी रङ्शालामा त्रिभुवन आर्मी क्लब र नेपाल पुलिस क्लबबीच खेल भइरहेको छ । टेस्ट संरचनाको जय ट्रफी प्रतियोगिता आइतबारदेखि जनकपुर र वीरगङ्जमा हुँदैछ । गत वर्ष सम्पन्न प्रधानमन्त्री कपका शीर्ष चार स्थानमा रहेका मधेश प्रदेश, बागमती प्रदेश, नेपाल पुलिस क्बल र त्रिभुवन आर्मी क्लब यस प्रतियोगितामा सहभागी छन् ।
