काठमाडौं । भौतिक पूर्वाधार तथा यातायात मन्त्री कुलमान घिसिङले वर्षाजन्य प्रकोप हुनुअघि सडक विभागका सबै टोली आफ्ना कार्यालयमा पुगिसक्न निर्देशन दिएका छन्।
जल तथा मौसम विज्ञान विभाग र राष्ट्रिय विपद् जोखिम न्यूनीकरण प्राधिकरणले असोज २० सम्म देशव्यापी वर्षा हुने चेतावनी जारी गरेपछि मन्त्री घिसिङले डिभिजन प्रमुख र योजना प्रमुखलाई आफ्ना अपरेटर तथा इन्जिनियरसहित जोखिम क्षेत्रमा तयारी अवस्थामा रहन भनेका छन्।
विशेषगरी नागढुंगा–मुग्लिन, नारायणगढ–मुग्लिन, बीपी राजमार्ग, कान्ति लोकपथ, त्रिभुवन राजपथ, दाउन्ने सडकमा अधिक सतर्कता अपनाउन निर्देशन दिइएको छ।
