काठमाडौँ — लगातारको वर्षापछि उत्पन्न जोखिमलाई ध्यानमा राख्दै काठमाडौं महानगरपालिकाले संकटमा परेका नागरिकका लागि हेल्पलाइन नम्बरहरू सार्वजनिक गरेको छ।
शनिबार सामाजिक सञ्जालमार्फत सूचना जारी गर्दै महानगरले डुबान वा अन्य विपद्को अवस्थामा तत्काल सम्पर्क गर्न आग्रह गरेको हो। सम्भावित जोखिम क्षेत्रको अवलोकनका लागि महानगरका प्रतिनिधि खटाइएको छ भने डुबानको खतरा रहेका बस्तीहरूलाई नजिकका सुरक्षित विद्यालयमा सार्ने तयारी पनि गरिएको छ।
महानगरले जोखिमयुक्त क्षेत्रका नागरिकलाई सतर्क रहन अनुरोध गर्दै निम्न हेल्पलाइन नम्बरमा सम्पर्क गर्न आग्रह गरेको छ:
१६६००१०५५११०, १५९०१७६४०, १५९०१७६३ (महानगरीय प्रहरी)।
