काठमाडौं । सप्तरीको सप्तकोशी नगरपालिका–२ परसाहामा रुखबाट लडेर एक वृद्धको मृत्यु भएको छ। मृत्यु हुनेमा स्थानीय ६२ वर्षीय परशुराम पुवेल रहेका छन्।
पुवेल बिहीबार साँझ आफ्नो घर नजिकैको परसाहा सामुदायिक वनमा घाँस काट्न गएका थिए। सोही क्रममा कर्माको रुखमा घाँस काट्दै गर्दा हाँगा भाँचिएपछि उनी भुईँमा लडेका हुन्।
इलाका प्रहरी कार्यालय कञ्चनपुरका प्रहरी नायब उपरीक्षक माधव प्रसाद काफ्लेका अनुसार पुवेल घटनास्थलमै मृत अवस्थामा फेला परेका थिए।
उनी बाख्रा चराउन गएका स्थानीयवासीले रुखबाट लडेको देखेपछि प्रहरीलाई खबर गरेका थिए। प्रहरीले घटनास्थल सुरक्षित राखी थप अनुसन्धान थालेको जनाएको छ।
