काठमाडौं । कास्की कारागारबाट फरार भएका एक कैदी स्याङ्जामा पक्राउ परेका छन्। गत भदौ २४ गते ‘जेलब्रेक’ आन्दोलनको क्रममा कारागारबाट भागेका स्याङ्जा पुतलीबजार नगरपालिका–१ का २५ वर्षीय विश्वास नेपालीलाई प्रहरीले नियन्त्रणमा लिएको हो।
जबरजस्ती करणी मुद्दामा सजाय काटिरहेका कैदी नेपालीलाई भीरकोट नगरपालिका–१ दार्सिङ क्षेत्रबाट पक्राउ गरिएको जिल्ला प्रहरी कार्यालय स्याङ्जाका सूचना अधिकारी प्रहरी निरीक्षक कमल नेपालीले जानकारी दिनुभयो।
उनी पक्राउ गर्न वडा प्रहरी कार्यालय वालिङ र प्रहरी चौकी दहथुमबाट खटिएको संयुक्त विशेष अपरेसन टोलीले शुक्रबार सफल भएको हो। पक्राउ परेका नेपालीलाई आवश्यक कानुनी प्रक्रिया पूरा गरी पुनः जिल्ला कारागार स्याङ्जामा पठाइएको प्रहरीले जनाएको छ।
