काठमाडौं । नेपालको सुदूरपश्चिम क्षेत्र दार्चुला नजिक बिहीबार राति भूकम्पको हल्का धक्का महसुस गरिएको छ।
भूगर्भ विभाग अन्तर्गतको राष्ट्रिय भूकम्प मापन केन्द्र (एनईएमआरसी)का अनुसार राति १० बजेर ४० मिनेटमा दार्चुला जिल्लाको तवाघाट आसपास, भारत सीमाक्षेत्र केन्द्रबिन्दु भएर ४.१ म्याग्निच्युडको भूकम्प गएको हो।
भूकम्पको झट्का दार्चुला र आसपासका क्षेत्रमा हल्का रूपमा महसुस गरिएको भए पनि अहिलेसम्म मानवीय क्षति वा भौतिक नोक्सानीको कुनै विवरण प्राप्त भएको छैन।
पछिल्ला वर्षहरूमा सुदूरपश्चिमका विभिन्न जिल्लामा साना–ठूला भूकम्पका धक्का अनुभूत हुँदै आएका छन्।
भूगर्भ विभागले नागरिकलाई सचेत रहनुका साथै आधिकारिक सूचना र निर्देशनका लागि विभागका स्रोतहरू अनुसरण गर्न आग्रह गरेको छ।
