काठमाडौं । नेपाली कांग्रेसको केन्द्रीय कार्यसमितिको आकस्मिक बैठक आज (शनिबार) बस्दै छ। बैठक पार्टीको केन्द्रीय कार्यालय सानेपामा दिउँसो १ बजे सुरु हुने भएको मुख्य सचिव कृष्णप्रसाद पौडेलले जानकारी दिनुभयो। उहाँका अनुसार बैठकमा केन्द्रीय पदाधिकारी, सदस्य, आमन्त्रित सदस्य तथा सातै प्रदेश सभापतिको उपस्थितिका लागि निर्देशानुसार अनुरोध गरिएको छ। बैठकमा पछिल्ला राजनीतिक घटनाक्रम र पार्टीभित्रका समसामयिक विषयमा छलफल हुने अपेक्षा गरिएको छ।
