काठमाडौं । मायादेवी गाउँपालिका–१, पकडीस्थित घरबाट बेपत्ता भएकी दुई वर्षीया बालिकाको शव मर्थी खोलामा फेला परेको छ। जिल्ला प्रहरी कार्यालय रुपन्देहीका प्रहरी नायब उपरीक्षक (डीएसपी) रिपेन्द्रकुमार सिंहका अनुसार मायादेवी गाउँपालिका–१ र शुद्धोधन गाउँपालिका बीचको सिमानामा पर्ने मर्थी खोलामा बालिकाको शव फेला परेको हो।
मृतक बालिका अमितकुमार ओझाकी दुई वर्षीया छोरी मान्सा ओझा हुन्। मान्सा कात्तिक २२ गते बिहान करिब १० बजेदेखि बेपत्ता भएकी थिइन्। प्रहरीका अनुसार बालिकाको शव घरदेखि करिब तीन किलोमिटर दक्षिणतर्फ खोलामा फेला परेको हो। घटनाको कारण र प्रकृति बुझ्न थप अनुसन्धान भइरहेको डीएसपी सिंहले जानकारी दिनुभयो।
