काठमाडौं । बडिगाड गाउँपालिका–७ भिमगिठे भन्ने स्थानमा रहेको भिमगिठे स्वास्थ्यचौकीको भवन निर्माणका लागि चार करोड सात लाख बजेट उपलब्ध गराउने भारतीय राजदूतावास र बागलुङको बडिगाड गाउँपालिकाबिच सम्झौता भएको छ । भारतीय राजदूतावासको विकास साझेदारी तथा पुनर्निर्माण कार्यक्रमअन्तर्गत गाउँपालिकाको ७ नम्बर वडामा सुविधा सम्पन्न स्वास्थ्यचौकी भवन निर्माणका लागि सम्झौता भएको बडिगाड गाउँपालिकाका अध्यक्ष गण्डकी थापाले जानकारी दिनुभयो ।
सोमबार गाउँपालिका अध्यक्ष गण्डकी थापा अधिकारी र भारतीय दूतावास काउन्सलर अविनाश कुमार सिंहबिच भवन निर्माणमा रकम उपलब्ध गराउने सम्झौता भएको हो । गोरखापत्र
