काठमाडौं । निर्वाचन आयोगले नेपाल कम्युनिष्ट पार्टी (एकता अभियान) खारेज गरेको छ। वामदेव गौतमले सो पार्टी खारेज गर्न निवेदन दिएपछि आयोगले निर्णय गरेको हो।
आयोगका प्रवक्ता नारायणप्रसाद भट्टराईका अनुसार, गौतम नेकपा (एकीकृत समाजवादी) हुँदै नेपाल कम्युनिष्ट पार्टी मा समाहित भएपछि पार्टी खारेजको निवेदन दिनुभएको थियो। आयोगले सो निवेदनको आधारमा पार्टी खारेज गरेको हो।
यस्तै, आयोगले नागरिक उन्मुक्ति पार्टी, नेपाल पनि आयोगमा दर्ता भएको जानकारी दिएको छ। यससँगै आयोगमा दर्ता भएका राजनीतिक दलहरूको संख्या १२५ पुगेको आयोगले जनाएको छ।
