काठमाडौं । सप्तरीको हनुमाननगर कङ्कालिनी नगरपालिकामा एक दिने निःशुल्क आँखा शिविर सम्पन्न भएको छ । नगरपालिकाको वडा नम्बर १ भारदहस्थित कङ्कालिनी मन्दिरको प्राङ्गणमा एक दिने निःशुल्क आँखा शिविर सम्पन्न भएको हो । सोसल लाइफ सेन्टर सप्तरी नेपाल र हनुमाननगर कङ्कालिनी नगरपालिकाको संयुक्त आयोजनामा भएको शिविरमा महिला ४५७ र पुरुष तीन सय गरी ७५७ जनाले सेवा लिएको हनुमाननगर कङ्कालिनी नगरपालिकाका नगर प्रमुख बिरेन्द्र माझीले जानकारी दिनुभयो ।
शिविरमा १५० देखि दुई जनासम्मको आँखा परीक्षण गर्ने लक्ष्य राखिएपनि बिहीबार साँझसम्म ७५७ जनाले सेवा लिएको उहाँले बताउनुभयो । तीमध्ये ११३ जना मोतियाविन्दुको बिरामी फेला परेको र उहाँहरू निःशुल्क अप्रेसन गरिने नगर प्रमुख माझीले जानकारी दिनुभयो । शिविरमा चौधरी आँखा अस्पताल, लहानका चिकित्सकहरूबाट आँखा परीक्षण गरिएको थियो । गोरखापत्र
