काठमाडौं । नेपाल चिकित्सक संघले माइतीघरमा अनशनरत डा.कमल भुसाल (निकोलस भुसाल) को जीवन रक्षा गर्न सरकारसँग माग गरेको छ ।संघका महासचिव डा.सन्जिव तिवारीले विज्ञप्ति जारी गर्दै विगत सातदिनदेखि आमरण अनशनमा बस्नुभएका डा.भुसालको जीवन रक्षा गर्न आवश्यक कदम चाल्न आग्रह गर्नुभएको हो ।“हरेक नेपालीको स्वस्थ रुपमा बाँच्न पाउने मौलिक अधिकार भएकोले डा.भुसालको जीवन रक्षाका लागि अविलम्ब आवश्यक कदम चाल्न सं सरकारसँग माग गर्दछ ।” विज्ञप्तिमा उल्लेख छ ।
डा.तिवारीका अनुसार अनशनरत डा.भुसाललाई रिङ्गटा लाग्ने, शरीर सुन्निने लगायत विभिन्न स्वास्थ्य समस्या देखापरेका छन् । उहाँ अवस्था प्रति सरकारले गरेको बेवास्ताका कारण उहाँको स्वास्थ्यमा थप जटिलताहरू देखा पर्दै गएको भन्दै संघले यस्तो आग्रह गरेको हो । गोरखापत्र
