काठमाडौं । सप्तरीको डाक्नेश्वरी नगरपालिका ५ स्थित सशस्त्र प्रहरी बल नेपाल सिमा सुरक्षा गुल्म पातोद्वारा विपन्न, असहाय समुदायलाई न्यानो कम्बल वितरण गरिएको छ । गुल्मले २५ औं सशस्त्र प्रहरी दिवस–२०८२ को अवसर पारेर नगरपालिका अन्तर्गतको विपन्न वर्ग मध्ये अशक्त, अपाङ्गता भएका, एकल महिला, ज्येष्ठ नागरिकलाई जाडोको समयमा शीतलहरबाट बच्न न्यानो कम्बल वितरण गरेको हो ।
गुल्मका प्रमुख राजु थापाले २० जना विपन्न वर्ग मध्ये अशक्त, अपाङ्गता भएका, एकल महिला, ज्येष्ठ नागरिकलाई न्यानौ कम्बल वितरण गरिएको बताउनुभयो । उहाँले जाडोको समयमा शीतलहर एवम विभिन्न प्रकारका दैवी प्रकोपवाट बच्न र सीमा क्षेत्रमा शान्ति सुरक्षामा जिम्मेवारी पूर्वक सेवामा लागि परेको बताउनुभयो । गोरखापत्र
