काठमाडौं । लुम्बिनी प्रदेशको राष्ट्रियसभा सदस्य निर्वाचनमा बिहान ११ः४५ बजेसम्म २०४ मत खसेको छ। दाङको घोराही –१५ स्थित कर्मचारी मिलन केन्द्रमा बिहानैदेखि मतदान जारी छ । मुख्य निर्वाचन अधिकृत प्रकाशप्रसाद पण्डितका अनुसार प्रदेशसभा सदस्यतर्फ महिला २५ र पुरुष ३५ गरी जम्मा ६० मत खसेको छ । त्यस्तै, स्थानीय तहका प्रमुख तथा उपप्रमुखतर्फ महिला ५४ र पुरुष ९० गरी जम्मा १४४ मत खसेको छ ।
लुम्बिनी प्रदेशमा तीन सिटका लागि आठ उम्मेदवारबिच प्रतिस्पर्धा भइरहेको छ। मतदान केन्द्र (क) मा प्रदेशसभा सदस्य र मतदान केन्द्र (ख) मा स्थानीय तहका प्रमुख–उपप्रमुखले मतदान गरिरहेका छन् । निर्वाचनका लागि दुई मतदान केन्द्रमा गरी २० जना कर्मचारी खटाइएका छन्। लुम्बिनी प्रदेशमा प्रदेशसभा सदस्य ८३ जना र स्थानीय तहका प्रमुख तथा उपप्रमुख गरी कुल ३ सय मतदाता रहेका छन् । गोरखापत्र
