परम्परागत सिप सिक्दै विद्यार्थी

Published on

काठमाडौं । व्यास नगरपालिका–१०, बैरेनी, कुमालटारीस्थित चण्डीदेवी राष्ट्रिय माध्यमिक विद्यालयमा अध्ययनरत विद्यार्थीले शिक्षाका साथै परम्परागत सिप सिक्न थालेका छन् । विषयगत शिक्षाका अलवा विद्यालयमा व्यावहारिक ज्ञान सिकाएर नयाँ पुस्तालाई पुरानो सिप र संस्कृतिबारे प्रशिक्षित गराउन थालिएको हो ।

सालको पातको दुनाटपरी, माटाका भाँडा, दियो, आरी, घैँटो, गाग्री, गमला, खुत्रुके बनाउने सिप सिकाउन थालिएको छ । विद्यालयका प्रधानाध्यापक आरसी पोख्रेलले आधुनिकतासँगै भित्रिएको नवीनतम प्रविधि, औजार उपकरणका कारण पुराना संस्कृतिलाई नेपाली समाजले बिर्संदै गएकाले यस्तो सिप सिकाउन थालिएको बताउनुभयो । पाठ्यव्रममा निर्धारित विषयका अलवा हाम्रो ग्रामीण जीवनको मूल आधारका रूपमा रहेको माटाका भाँडा, दुनाटपरी बनाउने सिप सिकाइरहेको पोख्रेल बताउनुहुन्छ । उहाँले भन्नुभयो, “यो व्यावहारिक ज्ञान दिने माध्यम मात्र होइन, नेपाल र नेपाली चिन्ने÷चिनाउने कडी पनि विद्यार्थीलाई सिकाएका हौ ।” सम्बन्धित सिप भएका पुराना शिक्षक विद्यालयमा भएकाले उनीहरूले विद्यार्थीलाई अतिरिक्त व्रिmयाकलाप अन्तर्गत यस्तो शिक्षा प्रदान गर्ने गरिएको उहाँले जानकारी दिनुभयो ।

विद्यार्थीले ती सिप रुचिपूर्वक सिकिरहेका छन् । पुराना सिप नयाँ पुस्तालाई सिकाउन र संरक्षण गर्न विद्यार्थी सहयोगी हुने भएकाले यस्तो ज्ञान दिन थालिएको विद्यालयले जनाएको छ । कक्षा ९ का ४३ जना विद्यार्थीले दुनाटपरी र माटाका भाँडा बनाउने तालिम लिइरहेको प्रधानाध्यापक पोख्रेलले जानकारी दिनुभयो । गोरखापत्र

spot_img

ताजा समाचार

राइजिङ स्टार्स एसिया कपका लागि सन्दीपको कप्तानीमा नेपाली टोली घोषणा

काठमाडौँ । कतारमा नोभेम्बर १९ देखि २९ सम्म आयोजना हुने राइजिङ स्टार्स एसिया कप...

उदाउँदो सूर्यलाई अर्घ्य दिएसँगै छठ पर्व सम्पन्न

काठमाडौँ – छठ पर्वको अन्तिम दिन आज बिहान उदाउँदो सूर्यलाई पूजा आराधना गरी विधिपूर्वक...

अमेरिकामा लगातार तेस्रो दिन हवाई उडान प्रभावित

अमेरिका – अमेरिकामा लगातार तेस्रो दिन हवाई उडान प्रभावित भएका छन् । स्थानीय समयअनुसार...

प्रहरी महानिरीक्षक डा. मनोज कुमार केसी दर्ज्यानी चिन्हबाट सुशोभित

काठमाडौं- नेपाल सरकार मन्त्रिपरिषद्को २०८३ कात्तिक १८ गतेको निर्णयअनुसार प्रहरी महानिरीक्षक पदमा पदोन्नति हुनुभएका...